عائلة المصري

عيلة المصري

عيلة المصرى عيلة كبيرة جذورها قديمة قدم الزمان عاشت إيد واحدة عشان كده ما فيش حد كان بيقدريظلمهم لغاية ما تفرقوا بعد الحج المصرى الكبير مامات بقى كبيرهم واحد ظالم أوحش واحد فيهم كان بيحب نفسه وبس عشان كده فرقهم كان اسمه مبروك المصرى بس الراجل مبروك ده كان راجل ظالم قوى لكن اللى ساعده على ظلمه أكتر إن رجالة العيلة منهم اللى مات واللى لسه فاضل كان كبر فى السن خلاص ما يقدرش يعمل حاجة وكل الأجيال اللى بعد كده  كانوا  جبناء والجرئ فيهم كان بيكلم نفسه وبس المهم إن العيلة بقى منها اللى هايص وعايش فى المهلبية والكوسة بالتقليه ومنهم المطحون اللى عايش مش لاقى الفول والطعمية بس الحكاية مخلصتش لحد هنا عشان فى أجيال جديده ناويه تواجه الظلم وتقوله لأ لحد كده كفاية ظلم كفاية....               

يا ترى هايجى يوم ترجع عيلة المصرى زى زمان أكيد لازم يجيى اليوم ده !!!؟؟؟

ودى كانت حكاية عيلة المصرى