لا لمبارك وأه للحق بس الآه ....طلعت بالدم دم شباب مصري أصيل ورد وفتح على حوض النيل ...
بس النيل مش هو النيل ...أصل النيل كان متعكر بفساد داخلية ومجلس عسكر وفلول بتحارب وأحزاب بتدبر ماهي تورته كبيره والخاسر الأكبر الشعب المصري اللى اتقسم واللى اتكدر ..واللى اتباع واللى اتهان لسنين وسنين
والخطة كبيرة أصل اللى كتبها حكماء صهيون ....من نهر النيل أسس للملك وشعب الفرات مستنى قرار من مجلس ذعر وامم متحده بالفرقة شعارها والسوس مالي دارها ....
نرجع من تاني لحكاية الثورة ...والثورة في مصر راحت على القصر دخلت بجماعة كانت من الشعب تتحدى الصعب علشان النهضة
والنهضة أبيدت مع حلم الشعب برئيس يحكمهم ويعدى الصعب
وشباب الثورة طلع غلطان والريس حسني طلع انسان والشعب المصري راجع تاني نفسه وحس بغلطة وفضل.. ندمان على حكم مبارك .... أصل مبارك طلع انسان
هايقولك ثورة دي ماكانتش ثورة ده خروج على حاكم وأسأل على جمعه!!؟
أه ياعم الشيخ ...ازي الصحة وازي الحال ...ممكن تفتيني انا عندي سؤال؟؟؟ ...مين يحكمنا, ومين يتشال ...
وخالد سعيد هل هو شهيد ؟ولا الموت كان ليه حلال ؟ ومبارك هل هو برئ ؟؟؟ والشعب اللى لازم يتشال؟
اصل الشعب ده عض الايد واتنمرد على نعمة ربه اللى اداله حاكم طيب اسمه مبارك وحكمه مبارك 30 سنه بس اللى عدوا ...
بس انا ها أرجع تاني وأقول هى الثورة دي كانت ثورة ولا الحلم قلب بكابوس ...
أيوه الحلم قلب بكابوس .
ليست هناك تعليقات:
إرسال تعليق